AUTOCEPHALI

AUTOCEPHALI

Graecis Αὐτοκέφαλοι, dicti his sunt Episcopi seu Archiepiscopi, qui, a Patrinrchis non dependentes, ratione iurisdictionis, eôdem ac illi αὐτοκεφαλίας iure gaudebant, nulli alii subiecti: Cuiusmodi Cypri Archiepiscopus est, ex Concilii Ephesini decreto, Metropoli eius ab Antiochenae Ecclesiae iurisdictione exemptâ. Sic in Sexta Synodo can. 39. qui etiam refertur a Constantino Porphyrogenito l. de Admir. Imp. c. 48. Nova Iustinianopolis τὸ δίκαιον ἔχειν τῆς Κωνςταντινουπόλεως, ius Constantinopoleos habere, dicitur. Idem iuris in Ecclesia Orientali habuêre praeterea Archiepiscopus Bulgariae et alii nonnulli Metropolitani, ἀπὸ φιλοτιμίας βασιλιχῆς, ut ait Balsamon de Privilegiis Patriarcharum. Enadem praerogativam in Latina Ecclesia sibi atrogâsse Archiepiscopos Ravennates, auctor est Anastasius in Dono P. Huius temporibus Ecclesia Ravennatum, que se ab Ecclesia Romana segregaverai, causâ Autocephaliae, denuo se pristinae Sedi Apostolicae subiugavit. Idem in Leone II. Sed er typum Autocephaliae, quem sibi elicuerant (Archiepiscopi Ravennenses) ad amputanda scandala Sedi Apostolicae restituerunt. Unde colligit Car. du Fresne, id privilegii archiepiscopos illos fuisse consecutos, vel a Romanis Pontisicibus, vel ab Imperatorib. Constantinopolit. vel denique per usurpationem, maxime cum Româ ab eorum Imperio avulsâ, solus fere in Italia Graecis Augustis remanserit Ravennensis Exarchatus: ita ut nec Patriarchis Constantinopolit. Parerent; nec Pontificibus Romanis, qui ab Imperatoribus Orientis defecerant. Donec pulsis totâ Italiâ Graecis, hanc Ravennatis Ecclesiae autocephaliam abrogavêre Romani Praesules, et statuêre, ut Ecclesia Ravennas sub ordinatione sedis Apostolicae esset, et ut iuxta antiquam consuetudinent in civit atem Romanam veniret Archiepiscopus ordinandus, ut ibidem Anasta sius narrat. Vide praefatum Car. du fresne in Glossar.